चीनको वुहानबाट उद्धार गरि ल्याइएका १ सय ७५ जनामा कोरोना भाइसर देखिएन, आज घर फर्काइदै

जनस्वास्थ्य सरोकार, काठमाडौँ । चीनको कोरोना भाइरस प्रभावित क्षेत्र वुहानबाट उद्धार गरि ल्याइएका १ सय ७५ जनाको रिपोर्ट ‘नेगेटिभ’ आएको छ । स्वास्थ्य मन्त्रालयका प्रवक्ता विकाश देवकोटाका अनुसार क्वारेन्टाइनमा रहेका सबैको स्वाब रिपोर्ट नेगेटिभ आएका कारण उनीहरु क्वारेन्टाइबाट घर फर्कने भएका हुन् । शनिबार नाक र घाँटीको स्वाब नमूना सङ्कलन गरी राष्ट्रिय प्रयोगशालामा परीक्षणका लागि पठाइएको र उक्त परीक्षणको रिपोर्ट आज आएको हो । वुहानबाट नेपाली विद्यार्थीलाई उद्धार गरी ल्याउने नेपाल वायुसेवा निगमको जहाजका चालकसहित १८ जनाको टोली क्वारेन्टाइनबाट हिजो घर फर्किएका थिए ।