प्रधानमन्त्री ओलीको शल्यक्रिया सुरु, स्वास्थ्यलाभको कामना गर्दै सर्वसाधारण पुगे त्रिवि शिक्षण अस्पताल

जनस्वास्थ्य सरोकार, काठमाडौँ ।  मिर्गौला प्रत्यारोपणका लागि प्रधानमन्त्री केपी शर्मा ओलीलाई अपरेसन थिएटरमा लगिएको छ । प्रधानमन्त्री ओलीको दोस्रो पटक मिर्गौला प्रत्यारोपणका लागि प्रा. डा. प्रेमराज ज्ञवाली नेतृत्वको चिकित्सक टोली खटिएको छ । मिर्गौला प्रत्यारोपणका लागि प्रधानमन्त्री ओली र मिर्गौला दान दिने उनकी भान्जी दुवै सोमबार नै अस्पताल भर्ना भएका थिए । प्रधानमन्त्री केपी शर्मा ओलीको स्वास्थ्यलाभको कामना गर्दै सर्वसाधारणहरु पनि त्रिवि शिक्षण अस्पताल पुगेका छन् । उनीहरुका हातमा प्रधानमन्त्री ओलीको तस्वीर अंकित प्लेकार्ड छन् । प्लेकार्डमा ‘गेट वेल सुन पीएम’ लेखिएको छ । उनीहरु बाटोको एक छेउमा लामबद्ध भएर उभिएका छन् । प्रत्यारोपण सुरु गर्नुअघि मन्त्रीहरु, नेकपाका नेताहरु, मुख्य सचिव, विभिन्न देशका राजदूतहरुले प्रधानमन्त्री ओलीलाई भेटेर मिर्गौला प्रत्यारोपण सफलताको कामना र शीघ्र स्वास्थ्य लाभको कामना गरेका छन् । जनस्वास्थ्य सरोकार राष्ट्रिय मासिक परिवारको तर्फबाट पनि प्रधानमन्त्री ओलीको सफल शल्यक्रिया र शीघ्र स्वास्थ्यलाभको कामना