प्रधानमन्त्रीको स्वास्थ्यवस्था सुधारोन्मुखः ९ दिनमा भेट्न पाउनुभो राधिकाले प्रधानमन्त्री पतिलाई

जनस्वास्थ्य सरोकार, काठमाडौं । दोस्रोपटक मिर्गौला प्रत्यारोपण गरेका प्रधानमन्त्री केपी शर्मा ओलीको स्वास्थ्यवस्था ९ दिनको अवधिसम्म सामान्य रहेको छ । उहाँको नियमित स्वास्थ्य परीक्षणलाई निरन्तरता दिइरहेको र परीक्षणका नतिजाहरु सुधारोन्मुख रहेको त्रिभुवन विश्वविद्यालय शिक्षण अस्पताल महाराजगञ्जले जनाएको छ । उहाँका भाइटल तथा ल्याब सुचकहरु पनि राम्रो अवस्थामा रहेको उल्लेख छ । यसैबीच प्रधानमन्त्री ओलीलाई ९ दिनपछि मात्र फागुन २९ गते पत्नी राधिका शाक्यले भेट्ने मौका पाउनुभएको छ । अस्पताल पुगेर उहाँले प्रधानमन्त्रीसँग भेट गर्नुभएको हो । प्रधानमन्त्रीका राजनीतिक सल्लाहकार विष्णु रिमालले दोस्रो भिजिटरका रुपमा पत्नी राधिकाले प्रधानमन्त्रीलाई भेट गर्न पाउनुभएको जानकारी दिनुभएको छ ।