कोरोनाबाट भारतमा मृत्यु हुनेको संख्या ३ पुग्यो, संक्रमितको संख्या १२८

जनस्वास्थ्य सरोकार । कोरोना भाइरसका कारण भारतमा मृत्यु हुने संख्या ३ पुगेको छ । कोरोनाका कारण मंगलबार महाराष्ट्रमा ६४ वर्षका एकजना व्यक्तिको मृत्यु भएपछि भारतमा कोरोनाबाट ज्यान गुमाउनेहरुको संख्या बढिरहेको छ । भारतको स्वास्थ्य सेवा विभागले दिएको ताजा अपडेट अनुसार भारतमा कोरोना संक्रमितको संख्या १२८ पुगेको छ जसमा ३६ जना महाराष्ट्रका रहेका छन् । यसअघि १० मार्चमा कर्नाटकको कलबुर्गीमा ७६ वर्षका एक व्यक्तिको ज्यान गएको थियो । केही दिन पहिले रोजगारको सिलसिलामा गएका उनी सऊदी अरबबाट भारत फर्किएका थिए । यसैगरी मार्च १३ मा दिल्लीमा बस्ने ६९ वर्षकी एक महिलाको मृत्यु भएको थियो । उनको छोरा स्वीजरल्याण्ड र इटलीबाट भारतमा फर्केका थिए । उनमा कोरोना संक्रमित भएको पाइएको थियो ।