कोभिड- १९ को संभावित खतरालाई लक्षित गर्दै जिल्ला अस्पताल रामेछापमा आइसोलेसन वार्ड स्थापना

[caption id="attachment_25144" align="alignnone" width="1440"] तस्विर सौजन्यः राजन महतारा क्षेत्री[/caption] जनस्वास्थ्य सरोकार, रामेछाप । जिल्ला अस्पताल रामेछापले कोरोनाभाईसर (कोभिड- १९) को संभावित खतरालाई लक्षित गर्दै आइसोलेसन वार्ड ( विशेष कक्ष) स्थापना गरेको छ । उच्च सर्तकता अपनाउदैँ दुई शैय्याको आईसोलेसन वार्ड स्थापना गरेको जिल्ला अस्पताल रामेछापका सुचना अधिकारी दिपेन्द्र श्रेष्ठले जानकारी दिए । 'आइसोलेसन वार्डका लागि आवश्यक पर्ने सबै सामग्रीहरुको व्यवस्था गरिसकेको छ,  आवश्यकता अनुसार अरु शैय्या पनि थप्दै जाने तयारी भइरहेको छ ।' उनले भने । कोरोना भाईरसको बारेमा जिल्ला प्रशाासन, जिल्ला अस्पताल र स्थानीय तहहरु बीचमा भएको सर्बपक्षिय बैठक गरी आइसोलेसन कक्ष व्यवस्था गर्न प्रशासनले निर्देशन गरेपछि जिल्ला अस्पतालमा आइसोलेसन वार्ड स्थापना गरिएको हो । विश्वव्यापी रुपमा फैलिएको कोरोना भाईरसको संक्रमणबाट बच्नका लागी भिडभाडमा नजाने, माक्सको प्रयोग गर्ने, तातो खानेकुरा सेवन गर्ने र केहि लक्षणहरु देखा पर्नासाथ चिकित्सकको सुझाव लिन अस्पतालले आग्रह समेत गरेको छ ।