कोरोना नियन्त्रण गर्न महानगरले बिहीबार पनि छर्किदैछ औषधि

जनस्वास्थ्य सरोकार, काठमाडौं ।  महानगरपालिकाले बुधबार सुरु गरेको संक्रामक रोग नियन्त्रणका लागि (डीस-इन्फेक्टेन्ट) छर्कने कार्यक्रमलाई बिहीबार पनि निरन्तरता दिएको छ ।  महानगरपालिकाका मेयर विद्यासुन्दर शाक्यले सिमित स्रोत साधनको समेत उच्चतम सदुपयोग गर्दै अत्यावश्यक ठाउँमा औषधि छर्किने कामलाई निरन्तरता दिइएको बताए । 'सिमित स्रोत-साधनका बीच पनि हामी निरन्तर काम गरिरहेका छौँ,' प्रमुख शाक्यले भने, 'कामका शिलसिलामा केही कमजोरी भएका हुनसक्छ । त्यसलाई हामी सुधार गर्नेछौं ।'  औषधि छर्किने कामलाई ३२ वटै वटा र अत्यावश्यकसम्म पुर्‍याउने पनि मेयर शाक्यले बताए  । बिहीबार ४ हजार लिटर क्षमताको जेट मेसिनले मखन टोलबाट सुरु गरेर बसन्तपुर हुँदै लगनटोल पुर्‍याइकएको छ।  अर्को जेट मिसिनले बानेश्वरहुँदै  विमानस्थलसम्म स्प्रे गरेको छ । तेस्रोले महाराजगञ्जलगायतका ठाउँमा स्प्रे गरिरहेको छ । आज ४ हजार लिटर क्षमताका ३ वटा जेट मेसिन र अन्य साना ट्याङकरले डीस-इन्फेक्टेन्ट औषधि छर्कने काम गरिरहेको महानगरपालिकाका वातावरण विभागका प्रमुख हरकुमार श्रेष्ठले जानकारी दिए । आज टेकु, वीर अस्पताल, कालीमाटी फलफूल बजारलगायतका स्थानमा काम गर्ने उनले बताए । उनका अनुसार ठूला साना गरी दशवटा ट्याङकर परिचालन गरेकोमा सातवटाले अहिले महानगरमा काम गरिरहेको बताए।