फ्रान्सबाट संक्रमितसँगै आएका तीनजना क्वारेन्टाइनमा

जनस्वास्थ्य सरोकार , नेपालगञ्ज। विदेशवाट आएका बाँकेका तीनजनालाई नेपालगन्जको महेन्द्र बहुमुखी क्याम्पसमा स्थापना गरिएको क्वारेन्टाइनमा राखिएको छ । चैत ४ गते फ्रान्सबाट कतार हुँदै नेपाल आएकी १९ वर्षिया युवतीमा कोरोनाको संक्रमण देखिएपछि सोही विमानमा आएका बाँकेका तिनजना ब्यक्तिलाई पहिचान गरेर बुधबार क्वारेन्टाइनमा राखिएको हो । जिल्ला प्रहरी कार्यालयका अनुसार बाँकेका चारजना रहेको जानकारी प्राप्त भएपनि तीनजनालाई पहिचान गरेर महेन्द्र बहुमुखी क्याम्पस भित्र रहेको क्वारेन्टाईनमा राखिएको छ । उनीहरु जिल्लाको प्रीपहवा, साईगाउ र बनकटवाका भएको बताइएको छ । अर्का एक जना भने बाँकेका नभई बर्दियाको भएको हुनसक्ने जिल्ला प्रहरी कार्यालय बाँकेका प्रवक्ता प्रहरी नायब उपरीक्षक शिवबहादुर सिंहले जानकारी दिए । कोरोना संक्रमित किशोरी रहेको जहाजमा रहेका सबैलाई क्वारेन्टाइनमा राख्न स्वास्थ्य मन्त्रालयको निर्देशन अनुसार उनीहरुलाई क्वारेन्टाईनमा राखिएको हो ।