भारतीय स्वास्थ्य मन्त्रालयका अनुसार उत्तर प्रदेशमा ६६ जना संंंक्रमित भइसकेको तथ्यांक छ । त्यहाँ शनिबार ११ जना संक्रमित भेटिएका छन् । उत्तर प्रदेशको बनारस, मेरट र गौतमबुद्धनगरमा संक्रमण भेटिएको हो । उत्तर प्रदेशसँग नेपालको निकै लामो सीमा जोडिएको छ । नेपालसँग लामो सीमा जोडिएको अर्को भारतीय राज्य विहारमा ९ जना संक्रमित भइसकेका छन् । त्यहाँ संक्रमणबाट एकजनाको निधन भएको तथ्यांक छ ।नेपालको पश्चिमी भागसँग सीमा जोडिएको उत्तराखण्डमा चार जना संक्रमित भएका छन् । नेपालको पूर्वी भागसँग सीमा जोडिएको पश्चिम बँगालमा १५ जना संक्रमित भएकोमा एकजनाको निधन भइसकेको छ । सिक्किममा अहिलेसम्म कुनै संक्रमित भेटिएका छैनन् । नेपालसँग सीमा जोडिएकोमध्ये सिक्किममात्र संक्रमणमुक्त छ । नेपाल र भारतबीच अहिले सीमा बन्द गरिएको छ । सामान ढुवानीबाहेक मानिसको आवतजावत बन्द गरिएको हो । एजेन्सी