वरिष्ठ फिजिसियन डा. भोजराज अधिकारी भरतपुर अस्पताल विकास समितिको अध्यक्ष

जनस्वास्थ्य सरोकार, चितवन । युवापुस्ताका चर्चित चिकित्सकको रुपमा छवि बनाएका वरिष्ठ फिजिसियन डा. भोजराज अधिकारी भरतपुर अस्पताल विकास समितिको अध्यक्षमा नियुक्त हुनुभएको छ । स्वास्थ्य तथा जनसंख्या मन्त्रालयको मन्त्रीस्तरीय निर्णयबाट डा. अधिकारीलाई अस्पतालको अध्यक्षमा नियुक्त गरिएको हो । सबैसँग घुलमिल हुन सक्ने सालिन स्वभावका डा.सोही अस्पतालमा कार्यरत हुनुहुन्छ ।

उहाँको कार्यकाल तीन वर्ष तोकिएको छ । २०७५ फागुन ३ गते भरतपुर अस्पताल केन्द्रीय सरकार माताहत गएपछि अस्पताल विकास समिति विघटन भएको र डा. अधिकारी भरतपुर अस्पताल संघीय अस्पताल भइसकेपछिको पहिलो अध्यक्ष हुनुभएको छ । मन्त्रालयले अस्पतालका अन्य सदस्यहरुमा रमा घिमिरे, रमाकान्त सापकोटा, केशव देवकोटालाई नियुक्त गरेको छ ।