चीनबाट ल्याइएका स्वास्थ्य सामाग्रीमा अनियमितता भएको भन्दै अख्तियारमा उजुरी

जनस्वास्थ्य सरोकार, काठमाडौं । उप—प्रधानमन्त्री इश्वर पोखरेल, स्वास्थ्य मन्त्री भानुभक्त ढकाल, स्वास्थ्य सचिव यादव कोइराला, स्वास्थ्य सेवा विभागका महानिर्देशक महेन्द्र प्रसाद श्रेष्ठ एवं ओम्नी ग्रुपका सञ्चालक बिरुद्द अख्तियार दुरुपयोग अनुसन्धान आयोगमा उजुरी दर्ता भएको छ । चीनबाट मेडिकल उपकरण आयात गर्दा ब्यापक भ्रष्टाचार गरेको आरोपमा निजहरुमाथि कारवाहीको माग गर्दै वरिष्ठ अधिवक्ता दिनेश त्रिपाठीले सो उजुरी दर्ता गराउनुभएको हो ।

उजुरीमा निजहरुले आफू विरुद्दको प्रमाण मेटाउन सक्ने हुँदा निजहरुलाई तत्काल हिरासतमा लिएर गम्भीर छानबिन गरी मुद्दा दायर गर्न समेत माग गरिएको छ ।