न्युनतम सुरक्षा बिना नै चिकित्सकहरु बिरामीहरुको उपचार गर्न बाद्य

जनस्वास्थ्य सरोकार, काठमाडौं । न्युनतम सुरक्षा बिना नै चिकित्सकहरुले बिरामीहरुको उपचार गरिरहेको पाइएको छ । नेपाल चिकित्सक संघको अनुगमनमा व्यक्तिगत सुरक्षा सामाग्री (पिपिई) बिना नै काम गर्नुपरेको उपचारमा संलग्न चिकित्सकहरुले गुनासो छ ।

संघका महासचिव डा. बद्री रिजालका अनुसार, कतिपय हस्पिटलको आकस्मिक कक्ष र ज्वरो क्लिनिकमा काम गर्ने चिकित्सकहरुले सामान्य कपडाको मास्क प्रयोग गरेर उपचार गरिरहेका छन् ।

पछिल्लो समय संघले हस्पिटलहरुमा अनुगमन शुरु गरेको छ । पहिलो चरणमा संघले पाटन, सिभिल र बीर हस्पिटलमा अनुगमन गरिसकेको छ । राजधानी भित्र र बाहिरका अधिकांश अस्पतालहरुमा अनुगमन गर्दै जाने संघको लक्ष्य रहेको छ । निकै कम चिकित्सकहरुले मात्र व्यक्तिगत सुरक्षा सामाग्री (पिपिई) पाइरहेका छन् ।