एकैदिन ८१ हजार बढी संक्रमित [कोभिड—१९ अपडेट]

नेपाल हेल्थ न्युज

आइतबार, चैत ३०, २०७६

एकैदिन ८१ हजार बढी संक्रमित [कोभिड—१९ अपडेट]

world corona

जनस्वास्थ्य सरोकार, काठमाडौं । विश्वव्यापी महामारीको रुपमा देखिएको कोरोना भाइरस (कोभीड—१९) बाट २१० देशमा एकैदिन ८१ हजार संक्रमित भएका छन् । हिजो यही समयमा संक्रमित हुनेको संख्या १,६९९,६३१ भएकोमा यो समाचार तयार पार्दा सम्म १,७८०,३१५ पुगेको छ ।

यसमध्ये ज्यानगुमाउनेहरुको संख्या १०२,७३४ बाट बढेर १०८,८२८ पुगेको छ । एकदिनमा ६,०९४ जनाको ज्यान गएको छ । यो त संक्रमित र ज्यान गुमाउनेहरुको संख्या हो । तर ज्यान बच्नेहरुको संख्या पनि कम छैन । एक दिनमा २७,७०४ जना कोरोना निको भएर हस्पिटलबाट डिस्चार्ज भएका छन् । हिजो हस्पिटलबाट डिस्चार्ज हुने ३७६,३२७ संख्या बढेर आज ४०४,०३१ पुगेको छ ।

विभिन्न तथ्यांक निकाल्ने संस्था वल्र्डओ मिटर्स डट इन्फोले हामीले यो रिपोर्ट तयार पार्दासम्म अपडेट गरेको तथ्यांकले कारोना संक्रमितमध्ये १,२१६,८६४ को अवस्था मध्यस्तरकोको छ भने ५०,५९२ को सिकिस्त अवस्थामा उपचार भइरहेको छ ।

प्रकाशित मिति: आइतबार, चैत ३०, २०७६