१० हजार ९ सय ८२ वटा नमुना परीक्षणः १४ जनामा कोरोना संक्रमण [कोभिड—१९ नेपाल अपडेट]

जनस्वास्थ्य सरोकार, काठमाडौं । नेपालमा रौतहट र कैलालीमा थप गरी कोरोना भाइरस (कोभिड—१९) संक्रमितहरुको संख्या १४ पुगेको छ । रौतहटको क्वारेन्टाइनमा रहेका १९ वर्षीय युवामा कोरोना संक्रमण देखिएको हो । उनी केही दिन अघि मात्रै भारतबाट घर आएका थिए । उनी इशनाथ नगरपालिकाको क्वारेन्टाइनमा बसेका थिए । यसैगरी कैलाली जिल्लाको लम्बीचुुवा नगरपालिकाको क्वारेन्टाइनमा रहेकी ६५ वर्षीया महिलाको नमुना परीक्षण गर्दा पोजेटिभ आएको हो । उक्त केशको केश इन्भेष्टिगेसन र कन्ट्र्याक्ट ट्रेसिङ गर्ने काम शुरु भइसकेको स्वास्थ्य तथा जनसंख्या मन्त्रालयको नियमित मिडिय ब्रिफिङमा जानकारी दिइएको छ ।

यद्यपी मुलुकमा देखिएका कोभिड १९ का संक्रमितहरुमध्ये एकजना थप संक्रमितको उपचार सेति प्रादेशिक अस्पतालमा शुरु भएको छ । यसरी सेति प्रादेशिक अस्पतालमा उपचाररत संक्रमितहरुको संख्या ५ पुगेको छ । त्यसैगरी बीरगञ्जको नारायणी उपक्षेत्रीय अस्पतालमा ३ जना, बागलुङमा २ जना, काठमाडौको टेकुस्थित शहीद शुक्रराज ट्रपिकल तथा सरुवा रोग अस्पतालमा २ जना संक्रमितहरुको उपचार भइरहेको छ । हाल उनीहरुको अवस्था सामान्य रहेको स्वास्थ्य मन्त्रालयका प्रवक्ता डा. विकास देवकाटोले बताउनुभयो । शुरुमा देखिएका १ जना संक्रमित उपचार भएर घर फर्किसकेका छन् ।

प्रत्येक प्रदेशमा आरडीटी प्रविधिबाट कोरोना परीक्षण सुरु भएको छ । ५२ जिल्लाबाट आरडीटी प्रविधिबाट परीक्षण सुरु भएको छ। सोमबारसम्म यो प्रविधिबाट परीक्षण गरिएका ५ हजार २ सय ९१ नमूना छन । पीसीआर र आरडीटी प्रविधिबाट परीक्षणबाट १० हजार ९ सय ८२ वटा परीक्षण भइसकेको छ । यस्तै हालसम्म मुलुकभर क्वारेन्टाइनमा ७ हजार १ सय ६६ जना रहेको मन्त्रालयले जनाएको छ । आइसोलेसनमा १०३ जना छन् । जसमध्ये उपत्यकामा ९ र उपत्यका बाहिर ९४ जना छन् । सोमबारसम्म २१९ जना रेड जोनमा परेका छन् । कोभिड संक्रमित र सम्भावितहरु र अन्य बिरामीको उपचारमा कसरी र कुन कुन अस्पतालले सेवा दिनेबारे निर्देशिका जारी गरेको मन्त्रालयका प्रवक्ता देवकोटाले जानकारी दिनुभयो । देवकोटाका अनुसार पर्साको विभिन्न मस्जिदमा रहेका २८ जनाको कोरोना परीक्षण सम्पन्न भएको छ । पर्सा जिल्लाका छपकैया टोलमा ५९ जनाको र्यापिड किटबाट परीक्षण गरिएको छ । सबैको रिपोर्ट नेगेटिभ आएको छ । त्यहाँको क्वारेन्टाइनमा रहेकाको र्यापिड किटबाट परीक्षण सुरु गरिको छ ।