भारतमा कोभिड—१९ बाट ज्यान गुमाउनेको संख्या ३ सय ५८ नाघ्यो, लकडाउन वैशाख २१ गतेसम्म लम्ब्याइयो

जनस्वास्थ्य सरोकार । भारतमा कोरोना भाइरस (कोभिड—१९) बाट ज्यान गुमाउनेहरुको संख्या ३५८ पुगेको छ । भारतमा १०,५६४ जना संक्रमितमध्ये १,१८१ जना निको भएर हस्पिटलबाट डिस्चार्ज भएका छन् । यसैबीच भारतले थप तीन साताका लागि लकडाउन लम्ब्याएको छ । बुधबार सम्बोधन गर्दै प्रधानमन्त्री नरेन्द्र मोदीले मे ३ अर्थात वैशाख २१ गतेसम्मका लकडाउन लम्ब्याइएको जानकारी गराएका हुन् । यसअघि भारतले गरेको तीन हप्ते लकडाउन बुधबार (३ गते) सकिँदै छ ।