मुलुकमा लकडाउनको समय आगामी वैशाख १५ गतेसम्म बढाउने सरकारको निर्णय

जनस्वास्थ्य सरोकार, काठमाडौं । सरकारकाले विश्वव्यापी महामारीको रुपमा फैलिएको कोरोना भाइरस (कोभिड—१९) रोकथाम तथा नियन्त्रणका लागि जारी राखेको लकडाउनको समय आगामी वैशाख १५ गतेसम्म बढाउने निर्णय गरेको छ । मंगलबार बसेको मन्त्रीपरिषद् बैठकले सो निर्णय गरेको हो ।

मुलुकमा कोरोना महामारी संक्रमण रोकथाम तथा नियन्त्रणका लागि गत २०७६ साल चैत्र ११ गतेदेखि निरन्तर शुरु गरिएको लक डाउनको समय थपिएको यो तेस्रोपटक हो । बैठकले वैशाख १८ गतेसम्म हवाई उडान स्थगित गर्ने निर्णय गरेको बताइएको छ ।

सरकारले दोस्रोपटक ८ दिनका लागि थपेको लकडाउनको समयावधि भोलि वैशाख ३ गते सकिदैछ । मुलुकमा हालसम्म १६ जनामा कोरोना भाइरस संक्रमण देखिएको छ । मंगलबारमात्र काठमाडौंको पेप्सिकोलास्थित सनसिटी अपार्टमेन्टमा बस्ने २ जनामा कोरोना संक्रमण पुष्टि भएको छ ।