सनसिटी अपार्टमेन्टका सबैको कोरोना परीक्षण शुरु

जनस्वास्थ्य सरोकार, पेप्सिकोला । कागेश्वरी मनोहरा नगरपालिका वडा नं.९ पेप्सीकोलास्थित सनसिटी अपार्टमेन्टमा रहेका व्यक्तिहरुलाई र्यापिड डायग्नोसिस किट (आरडीटी) विधिबाट कोरोना भाइरस परीक्षण सुरु गरिएको छ ।

यसका लागि स्वास्थ्य मन्त्रालयका १५ जनाको टोली खटिएको छ । बुधबार ब्लक ‘ए’ का २४२ जनाको परीक्षण गरिनेछ । तीनवटा टेबुलबाट परीक्षण सुरु भएको कागेश्वरी मनोहरा नगरपालिका प्रमुख मनहरि थापाले जानकारी दिनुभयो ।

परीक्षण गर्न बाँकी रहेकाहरुको भोली परीक्षण गरिने छ । अर्पाटमेन्टमा ५ सय परिवारका करिब १२ सय जना बस्दै आएका छन् । उक्त अपार्टमेन्टमा बस्ने एकै परिवारका दुई जनामा कोरोना संक्रमण पुष्टि भएपछि त्यहाँ बस्ने सबैको कोरोना परीक्षण गर्न शुरु गरिएको हो । वैशाख २ गते अपार्टमेन्टमा बस्ने एकै परिवारका ८१ वर्षीया महिला र ५८ पुरुषमा कोरोना पुष्टि भएको थियो । उनीहरुको पाटन अस्पताको आइसोलेसनमा उपचार भइरहेको छ । वैशाख १ गते आरटीडी टेस्टबाट परीक्षण गर्दा तीनजनाको कोरोना रिपोर्ट पोजिटिभ आएको थियो । पुनः परीक्षण गराउँदा दुईजनामा कोरोना संक्रमण पुष्टि भएको थियो ।