बागलुङकी कोरोना संक्रमित ६५ वर्षीया महिलाको तेस्रो स्वाव परीक्षण निगेटिभ

जनस्वास्थ्य सरोकार, बागलुङ । बागलुङ जिल्लाको धौलागिरी अञ्चल अस्पतालमा कोरोना संक्रमित भएर उपचाररत ६५ वर्षीय महिलाको तेस्रो पटकको स्वाब परीक्षणमा नतिजा निगेटिभ आएको छ । पोखरामा तेस्रोपटक गरिएको परीक्षणमा कोरानो संक्रमण नभएको रिपोर्ट आएको धौलागिरी अञ्चल अस्पतालका प्रमुख डा. शैलेन्द्र बिक पोखरेलले जानकारी दिनुभएको छ । ति महिलाको दोस्रोपटकको स्वाव परीक्षणमा पोजेटिभ रिपार्ट आएको थियो ।

‘अब पुनः शुक्रबार चौथोपटक स्वाव परीक्षणका लागि पठाइने र चौथोपटकको रिपोर्ट पनि निगेटिभ आएमा उपचारत ति महिलालाई डिस्चार्ज गरिने छ ।’—अस्पतालका प्रमुख पोखरेलले बताउनुभयो ।

तर सोही अस्पतालमा कोरोना संक्रमित भएर उपचाररत १९ वर्षीया युवतीको भने चौथो पटकको स्वाव परीक्षणमा पनि नतिजा पोजेटिभ देखिएको छ । उहाँको पनि पुन स्वास्थ्य परीक्षणका लागि पठाइने प्रमुख पोखरेलले जानकारी गराउनुभएको छ ।