अमेरिकामा एकैदिन ४ हजार ४ सय भन्दा बढीको मृत्यु [कोरोना अपडेट]

जनस्वास्थ्य सरोकार, अमेरिका । अमेरिकामा कोरोना संक्रमितहरुको संख्या ६७७,५७० पुगेको छ ।

अमेरिकामा पछिल्लो २४ घण्टामा मात्रै कोरोनाबाट ४ हजार ४ सय ९१ जनाको मृत्यु भएको जोन होप्किन्स विश्वविद्यालय कोरोना रिसोर्स सेन्टरको तथ्यांक उद्धृत गर्दै समाचार संस्था एएफपीले जनाएको छ । कोरोनाका कारण एकैदिन यति धेरै व्यक्तिको ज्यान गएको यो पहिलो घटना हो ।

यो समाचार तयार पार्दासम्म अमेरिकामा ३४,६१७ को ज्यान गइसकेको छ । अमेरिकामा कोरोना निको हुनेहरुको संख्या ५७,५०५ पुगेको छ । अमेरिकापछि इटलीमा सबैभन्दा बढी २२,१७० को मृत्यु भएको छ । स्पेनमा १९,३१५ को कोरोनाका कारण ज्यान गएको छ । फ्रान्समा १७,९२० को ज्यान गएको छ । बेलायतमा १३,७२९, इरान ४,८६९, बेल्जियम ४,८५७ जर्मनी ४,०५२, चाइना ३,३४२, नेदरल्याण्ड्स ३,३१५ जनाको मृत्यु भएको छ ।

अहिलेसम्म विश्वमा १४५,५२१ को ज्यान गइसकेको छ भने ५४७,२९५ निको भएर घर फर्किएका छन् । अहिलेसम्म विश्वमा कोरोना संक्रमितहरुको संख्या २,१८२,१९७ पुगेको छ ।