विश्वमा कोरोना संक्रमितको संख्या २३ लाख नाघ्यो, अमेरिका अग्रस्थानमा

जनस्वास्थ्य सरोकार । विश्वका २१० देशमा फैलिएको कोरोना भाइरस (कोभिड १९) बाट २३ लाख ३१ हजार ८ सय ९२ जना संक्रमित भएका छन् । त्यसमध्ये १ लाख ६० हजार ७ सय ६३ ले ज्यान गुमाइसकेका छन् भने ५ लाख ९७ हजार १ सय ९४ जना निको भएर घर फर्किएका छन् ।

यो समाचार तयार पार्दासम्म कोरोनाबाट अमेरिकामा सबैभन्दा धेरैको ज्यान गएको छ । अमेरिकामा कोरानो संक्रमितको संख्या ७ लाख ३८ हजार ९ सय १३ पुगेको छ भने ३९ हजार भन्दा बढीले ज्यान गुमाइसकेका छन् ।

यसैगरी स्पेनमा १ लाख ९४ हजार ४ सय १४ संक्रमितमध्ये २० हजार ६३९ जनाको ज्यान गएको छ । तर कोरोनाबाट मृत्यु हुने स्पेनको तुलनामा इटली अग्रस्थानमा छ । इटलीमा १ लाख ७५ हजार ९ सय २५ जना संक्रमितमध्ये २३ हजार २ सय २७ जनाले ज्यान गुमाइसकेका छन् ।

फ्रान्समा १ लाख ५१ हजार ७ सय ९३ जना संक्रमितमध्ये १९,३२३, जर्मनीमा १ लाख ४३ हजार ७२४ जना संक्रमितमध्ये ४ हजार ५ सय ३८ ले मात्र ज्यान गुमाएका छन् । तर बेलायतमा १ लाख १४ हजार २१७ जनामध्ये १५ हजार ४ सय ६४ को कारोनाबाट ज्यान गएको छ ।

चाइनामा ८२ हजार ७३५ संक्रमितमध्ये ४ हजार ६ सय ३२ को ज्यान गएको छ । टर्किमा ८२ हजार ३२९ संक्रमितमा १ हजार ८ सय ९० ले मात्र ज्यान गुमाएका छन् । तर इरानमा भने ८० हजार ८६८ संक्रमितमध्ये ५ हजार ३१ जनाले मात्र ज्यान गुमाएका छन् । (श्रोतः वल्र्डवमिटर्स डट इन्फो)