कैलालीका २१ वर्षीय युवकले पनि जिते कोरोना, मुलुकमा कोरोना निको हुनेको संख्या ४ पुग्यो

जनस्वास्थ्य सरोकार, धनगढी —कैलालीको लम्कीचुहा नगरपालिका–१ प्रतापपुर घर भएका कोरोना संक्रमित २१ वर्षीय युवककोे पहिलो र दोस्रो प्रयोगशाला रिपोर्ट निगेटिभ आएको छ । सेती प्रादेशिक अस्पतालमा उपचाररत उनी अस्पतालबाट  डिस्चार्ज भएका छन् । ।

दोस्रो र तेस्रो रिपोर्ट निगेटिभ आएपछि उनलाई अस्पतालबाट डिस्चार्ज गरिएको  अस्पतालबाट प्रवक्ता डा.जगदीश जोशीले जानकारी दिनुभएको छ । ती युवक भारतको मुम्बइबाट आएका थिए । गत चैत २२ गते उनमा कोरोना संक्रमणको पुष्टि भएको थियो ।

हाल सो अस्पतालमा अन्य ४ जना कोरोना संक्रमित बिरामीको उपचार भइरहेको छ । अन्य संक्रमितहरुमा भने कोरोना रिपोर्ट लगातार पोजेटिभ आइरहेको छ । यो सँगै कोरोना निको हुने व्यक्तिहरुको संख्या ४ पुगेको छ । नेपालमा दोस्रो कोरोना भाइरस (कोभिड १९) संक्रमित १९ वर्षीया युवती र बागलुङकी ६५ बर्षिया महिला कोरोना निको भएर वैशाख ५ गते अस्पतालबाट डिस्चार्ज भएका थिए । उनीहरु क्रमश शुक्रराज ट्रपिकल तथा सरुवा रोग अस्पताल र बागलुङको धौलागिरी अस्पतालमा उपचाररत थिए । यसअघि गत माघ ९ गते पहिलो पटक नेपालमा कोरोना देखिएका युवकलाई निको भएर डिस्चार्ज गरिएको थियो । अहिलेसम्म नेपालमा ३१ जनामा कोरोना पुष्टि भएको छ । त्यसमध्ये ४ जना निको भएका छन् । अन्य २७ जनाको विभिन्न अस्पतालहरुमा उपचार भइरहेको छ ।