स्पेनको तुलनामा अमेरिकामा ४ गुणा बढी संक्रमित, अमेरिकामा एकैदिन २ हजार ८ सय बढीले ज्यान गुमाए [विश्लेषण]

जनस्वास्थ्य सरोकार, अमेरिका । अमेरिकामा एकैदिन २ हजार ८२३ ले ज्यान गुमाएका ज्यान गएको छ । आज अमेरिकामा ४५ हजार ३४० को ज्यान गएको छ । हिजो अमेरिकामा ज्यान गुमाउनेहरुको संख्या ४२ हजार ५१७ थियो । यसैगरी अमेरिकामा एकैदिन २६ हजार २५१ नयाँ संक्रमित भएका छन् । आज संक्रमितको संख्या ८ लाख १९ हजार १६४ पुगेको छ । हिजो अमेरिकामा संक्रमितहरु ७ लाख ९२ हजार ९१३ थिए । यो तथ्यांकले अमेरिकामा नयाँ संक्रमितको तुलनामा कोरोनाबाट ज्यान गुमाउनेको सख्या अत्यधिक देखिन्छ । अमेरिकामा आजसम्म निको भएकाहरुको संख्या ८२ हजार ९७३ पुगेको छ । हिजो निकोहरु ७२ हजार ३८९ थियो । यसलाई तुलना गर्दा अमेरिकामा एकैदिन १० हजार ५८४ जना निको भएका छन् । अमेरिकामा अहिलेसम्म ४१ लाख ८९ हजार २४५ जनाको कोरोना परीक्षण गरिसकिएको छ ।

वल्डवमिटर्स डट इन्फोका अनुसार, या समाचार तयार पार्दा सम्म अमेरिकापछि स्पेनमा कोरोना संक्रमितहरुको संख्या २ लाख ४ हजार १७८ रहेका छन् । स्पेनमा अहिलेसम्म ज्यान गुमाउनेको संख्या २१ हजार २८२ पुगेको छ भने ८२ हजार ५१४ जना निको भएका छन् । स्पेनको तुलनामा अमेरिकामा ४ गुणा बढी कोरोना संक्रमित भएको देखिन्छ । तर स्पेनमा कोरोना निको हुने संख्या अमेरिकाकाको हाराहारीमा छ ।

यसैगरी इटलीमा १ लाख ८३ हजार ९५७ संक्रमितमध्ये २४ हजार ६४८ को मृत्यु र ५१ हजार ६०० निको, फ्रान्समा १ लाख ५८ हजार ५० जना संक्रमितमा २० हजार ७९६ को ज्यान गएको र ३९ हजार १८१ निको भएका छन् ।

तर जर्मनीमा भने कोरोना संक्रमितको तुलनामा मृत्यु संख्या न्युन र निको हुने संख्या अमेरिका भन्दा करिब १२ हजार बढी नै छ । जर्मनीमा १ लाख ४८ हजार ४५३ संक्रमितमध्ये ५ हजार ८६ जनाको मात्र ज्यान गएको छ भने निको हुने संख्या ९५ हजार २०० रहेको छ ।

अहिले चीन कोरोना संक्रमितमा नबौं स्थानमा पुगेको छ । चाइनामा ८२ हजार ७८८ संक्रमितमध्ये ४ हजार ६३२ को ज्यान गएको र ७७ हजार १५१ निको भएका छन् । यद्यपी अमेरिका पहिलो, स्पेन दोस्रो, इटली तेस्रो, फ्रान्स चौथो, जर्मनी पाँचौं , बेलायत छैटौं (१ लाख २९ हजार ४४ जना संक्रमित, १७ हजार ३३७ मृत्यु), सातौ टर्की (९५,५९१ संक्रमित, २,२५९ मृत्यु र १४,९१८ निको), आठौं इरान (८४,८०२ संक्रमित, ५,२९७ को मृत्यु र ६०,९६५ निको) भएका छन् । हाल विश्वका २१० देशमा फैलिएको कोरोनाबाट २५ लाख ५७ हजार १८१ संक्रमित भएका छन्, १ लाख ७७ हजार ६४१ को ज्यान गएको छ र ६ लाख ९० हजार ४४४ निको भएका छन् ।