मुलुकमा कोरोना संक्रमितको संख्या ४८ पुग्यो

नेपाल हेल्थ न्युज

बिहीबार, वैशाख ११, २०७७

मुलुकमा कोरोना संक्रमितको संख्या ४८ पुग्यो

Ministry-of-Health

जनस्वास्थ्य सरोकार काठमाडौं । भोजपुरका एक युवामा कोरोना भाइरस (कोभिड–१९) पुष्टि भएको छ । जिल्लाका २६ वर्षीय पुरुषमा बिहीबार कोरोना पुष्टि भएको स्वास्थ्य तथा जनसंख्या मन्त्रालयले जनाएको छ । यसअघि बिहीबार नै १४ वर्षीय बालक र ५५ वर्षीय महिलामा कोरोना पोजिटिभ देखिएको मन्त्रालयले पुष्टि गरिसकेको छ । आजमात्र ३ जनामा कोरोना पुष्टी भएको छ ।

यो सँगै मुलुकमा कोरोना संक्रमितको संख्या ४८ पुगेको छ । बिहीबारसम्ममा १० जना डिस्चार्ज भएका छन् । अन्य ३८ जनाको देशका विभिन्न अस्पतालहरुमा उपचार भइरहेको छ । प्रदेश नम्बर १ मा मात्र कोरोना संक्रमितको संख्या २९ पुगेको छ ।

प्रकाशित मिति: बिहीबार, वैशाख ११, २०७७