झापाका ६२ वर्षीय पुरुषमा कोरोना पुष्टीः मुलुकमा कोरोना संक्रमितको संख्या ४९ पुग्यो

जनस्वास्थ्य सरोकार, काठमाडौं । झापाका ६२ वर्षीय पुरुषमा कोरोना भाइरस (कोभिड—१९) पुष्टि भएको छ । धरानको बिपी स्वास्थ्य विज्ञान प्रतिष्ठानमा शुक्रबार गरिएको परीक्षणमा कोरोना देखिएको स्वास्थ्य तथा जनसंख्या मन्त्रालयले जनाएको छ । हाल उनको आइसोलेसनमा राखेर उपचार भइरहेको छ ।

यो सँगै मुलुकमा कोरोना संक्रमितको संख्या ४९ पुगेको छ । यीमध्ये ११ जना व्यक्तिको कोरोना निको भएको छ । हाल ३८ जनाको देशका विभिन्न अस्पतालहरुमा उपचार भइरहेको छ ।

स्वास्थ्य तथा जनसंख्या मन्त्रालयका अनुसार, अहिलेसम्म आरडीटी विधिबाट ३८ हजार ८९ र पीसीआर विधिबाट ९ हजार ४०७ गरी जम्मा ४७ हजार चार सय ९६ जनाको नमुना परीक्षण भएको छ ।