नेपालमा कोरोना निको हुनेको संख्या ११ पुग्यो, बागलुङकी १९ वर्षीया युवतीले पनि जितिन कोरोना

जनस्वास्थ्य सरोकार, बागलुङ । बागलुङको धौलागिरी अस्पतालमा उपचाररत कोरोना संक्रमित १९ वर्षीया युवतीले कोरोना जितेकी छिन् ।

पोखरा स्थित प्रादेशिक जनस्वास्थ्य प्रयोगशालामा गरिएको छैटौपटकको कोरोना परीक्षणमा पनि रिपोर्ट निगेटिभ आएको छ । हिजो गरिएको पाँचौ रिपोर्ट पनि निगेटिभ आएको थियो । यो सँगै मुलुकमा कोरोना निको हुने व्यक्तिको संख्या ११ पुगेको छ ।

बागलुङ नगरपालिका ४ कुँडुलेकी १९ वर्षीया युवतीको यसअघिको चारवटा रिपोर्ट पोजेटिभ देखिएको थियो । धौलागिरी अञ्चल अस्पताल बागलुङका प्रमुख शैलेन्द्र बिक पोखरेलका अनुसार, बिहीबार र शुक्रबारको दुवै परीक्षणको नतिजा नेगेटिभ आआएपछि उनलाई हस्पिटलबाट डिस्चार्ज गरिएको छ । । उनी चैत्र ४ गते बेल्जियमबाट कतार एयरवेजको विमान हुँदै नेपाल फर्किएकी थिइन्। त्यही क्रममा चैत्र १५ गते कोरोना संक्रमण पुष्टि भएको थियो।