भारतमा ३७ हजार ३३६ कोरोना संक्रमित, १ हजार २१८ को ज्यान गयो

जनस्वास्थ्य सरोकार, काठमाडौ । पछिल्लो २४ घण्टामा भारतमा २ हजार २९३ कोेभिड १९ कोरोना भाइरस संक्रमणका नयाँ बिरामी फेला परेका छन् । यो सँगै भारतमा कोरोना संक्रमितको कुल संख्या ३७ हजार ३३६ पुगेको छ । यीमध्ये ९ हजार ९५० जना उपचारपछि निको भएर घर फर्किएका छन् भने २६ हजार १ सय ६७ जनाको उपचार भइरहेको छ ।

भारतको स्वास्थ्य मन्त्रालयले सार्वजनिक गरेको तथ्यांक अनुसार, भारतमा हालसम्म कोभिड १९ भाइरसबाट मर्नेहरुको संख्या बढे्र १ हजार २१८ पुगेको छ । महाराष्ट्रमा अहिलेसम्म संक्रमितको संख्या ११ हजार पाँच सय ६ पुगेको छ भने चार सय ८५ जनाको मृत्यु भइसकेको छ । त्यस्तै गुजरातमा चार हजार सात सय २१ जना मानिसमा कोरोना भाइरसको संक्रमण पुष्टि भएको छ भने दुई सय ३६ जनाको मृत्यु भइसकेको छ । मध्य प्रदेशमा पनि दुई हजार सात सय १९ जनामा कोरोना भाइरसको संक्रमण देखिएको छ । यो राज्यमा एक सय ४५ जनाको मृत्यु भइसकेको छ ।

त्यस्तै उत्तर प्रदेशमा संक्रमित संख्य दुई हजार तीन सय २८ पुगेको छ भने ४२ जनाको मृत्यु भइसकेको छ । पश्चिम बंगालमा पनि सात सय ९५ जनामा संक्रमण पुष्टि हुँदा ३३ जनाको मृत्यु भइसकेको छ । बिहारमा पनि अहिलेसम्म चार सय ७१ जनामा भाइरसको संक्रमण देखिँदा तीनजनाको मृत्यु भइसकेको छ ।