नेपालगञ्जमा थप ७ जनामा कोरोना पुष्टि, मुलुकमा कोरोना संक्रमितहरुको संख्या ८२ पुग्यो

नेपाल हेल्थ न्युज

मंगलबार, वैशाख २३, २०७७

नेपालगञ्जमा थप ७ जनामा कोरोना पुष्टि, मुलुकमा कोरोना संक्रमितहरुको संख्या ८२ पुग्यो

MOH Tuesday

जनस्वास्थ्य सरोकार, काठमाडौं । नेपालमा कोभिड १९ कोरोना संक्रमितहरुको संख्या ८२ पुगेको छ । नेपालगञ्जमा आज थप ७ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।

भेरि अस्पताल नेपालगञ्जको प्रयोगशालामा भएको परीक्षणमा नेपालगञ्ज ८ निवासी २२, ३०, ४० वर्षका पुरुषहरु र ९, ३२, ३४ र ५५ वर्षका महिलाहरुमा कोभिड १९ संक्रमण पुष्टि भएको हो । मन्त्रालयका सह प्रवक्ता डा. समिर कुमार अधिकारीले उनीहरुको स्वास्थ्यवस्था सामान्य रहेको जानकारी दिनुभयो ।

मुलुकमा संक्रमितमध्ये पुरुष ६१ जना र महिला २१ जना रहेका छन् । १६ जना उपचार पछि घर फर्किएका छन् ।