बिराटनगरमा ६ जना कोरोना संक्रमित निको, यो सँगै मुलुकमा कोरोना निको हुनेको संख्या २२ पुग्यो

जनस्वास्थ्य सरोकार, विराटनगर । बिराटनगरको कोशी अस्पतालमा उपचार गराइरहेका ६ जना भारतीय मुस्लिम धर्म प्रचारक जमातिमा कोभिड १९ कोरोना संक्रमण निको भएको छ ।

निको हुनेमा ३०, २९, २८, २१, ३४ र २६ वर्षीय भारतीय नागरिक रहेका छन् । यो सँगै मुलुकमा कोरोना निको हुनेहरुको संख्या २२ जना पुगेको छ ।

उदयपुरको एक मस्जिदमा कोभिड १९ कोरोना संक्रमित पुष्टि भएका उनीहरुलाई गत वैशाख ५ र ६ गते विराटनगरस्थित कोसी अस्पतालको कोरोना उपचार केन्द्रमा भर्ना गरिएको थियो । प्रदेश नम्बर १ का सामाजिक विकास मन्त्री जीवन घिमिरेका अनुसार, उनीहरुमा कोरोना नमुना परीक्षण गर्दा रिपोर्ट लगातार निगेटिभ आएकाले आज डिस्चार्ज गरिएको छ । हाल नेपाल रडस्चार्जपछि उनीहरुलाई विराटनगर–१६ स्थित एक मस्जिदमा निर्माण गरिएको क्वारेन्टाइनमा राखिने छ । हाल विराटनगरको कोरोना अस्पतालमा ३१ जना संक्रमित उपचाररत् छन् । ती मध्ये २८ जना उदयपुरमा भेटिएका थिए । हाल मुलुकमा ८२ जना कोरोना संक्रमित पुष्टि भएको छ ।