कपिलवस्तुका १० जना पुरषमा कोभिड १९ पुष्टि, मुलुकमा कोरोना संक्रमितहरुको संख्या १२० पुग्यो

स्वास्थ्य तथा नजसंख्या मन्त्रालयले कपिलवस्तुमा सोमबार थप १० जनामा कोरोना संक्रमण पुष्टि भएको जनाएको छ । काठमाडौंको राष्ट्रिय जनस्वास्थ्य प्रयोगशालामा गरिएको नमुना परीक्षणमा उनीहरुमा कोभिड १९ पुष्टि भएको हो ।

यसरी कोभिड १९ पुष्टिहुने व्यक्तिहरुमा कपिलवस्तु, यशोधरा गाउँपालिका ५ र वुद्धभुमि नगरपालिका ७,१० निवासी १८,१९,२०,२०,२४,३०,३१,३४,३४ वर्षीय पुरुष र १ जना उमेर नखुलेका पुरुष रहेका छन् । हाल उनीहरुको अवस्था सामान्य रहेको र स्वास्थ्यकर्मीको निगरानीमा रहेको मन्त्रालयले जनाएको छ । अहिलेसम्म ३३ जना कोभिड १९ निको भएर अस्पतालबाट डिस्चार्ज भएको मन्त्रालयले जनाएको छ । तर पुनः परीक्षण गर्दा निको भएका भनिएकामध्ये काठमाण्डूका एक र पर्साका दुई जनाको शरीरमा कोरोनाभाइरस देखिएपछि उनीहरूलाई फेरि अस्पतालमा भर्ना गरिएको छ ।प्रदेश नं १ मा सर्वाधिधक १६ जना निको भएका छन् । मन्त्रालयका अनुसार, हालसम्म पीसीआर विधिबाट नेपालमा १६ हजार ९०८ जनाको मात्र परीक्षण भएको छ ।