नेपालमा सोमबारमात्र २४ जना कोभिड १९ संक्रमित पुष्टी, संक्रमितहरुको कुल संख्या १३४ पुग्यो

जनस्वास्थ्य सरोकार, काठमाडौं । नेपालमा सोमबार मात्र २४ जनामा कोभिड १९ कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका सह प्रवक्ता डा. समिर कुमार अधिकारीका अनुसार, राष्ट्रिय जनस्वास्थ्य प्रयोगशालामा गरिएको परीक्षणमा सोमबारमात्र कपिलवस्तुमा १६, रुपन्देहीमा ६, बर्दियामा १, सप्तरीमा १ जना गरी २४ जना नयाँ कोभिड १९ संक्रमित पुष्टी भएको हो । हाल उनीहरुको अवस्था सामान्य रहेको र स्वास्थ्यकर्मीको निगरानीमा रहेको मन्त्रालयले जनाएको छ ।

अहिलेसम्म ३३ जना कोभिड १९ निको भएर अस्पतालबाट डिस्चार्ज भएको मन्त्रालयले जनाएको छ । तर पुनः परीक्षण गर्दा निको भएका भनिएकामध्ये काठमाण्डौका एक र पर्साका दुई जनाको शरीरमा कोरोनाभाइरस देखिएपछि उनीहरूलाई फेरिअस्पतालमा भर्ना गरिएको छ ।

मन्त्रालयका अनुसार, हालसम्म पीसीआर विधिबाट नेपालमा १७ हजार ८०९ जनाको मात्र परीक्षण भएको छ ।