नेपालमा कोरोना संक्रमितको संख्या ३ सय नाघ्यो

नेपाल हेल्थ न्युज

सोमबार, जेठ ५, २०७७

नेपालमा कोरोना संक्रमितको संख्या ३ सय नाघ्यो

covid 19 update

जनस्वास्थ्य सरोकार, काठमाडौं । मुलुकमा नोबेल कोरोना भाइरस संक्रमितहरुको संख्यामा बृद्धि भइरहेको छ । सोमबार बिहान स्वास्थ्य मन्त्रालयले अध्यावधिक गरेको विवरण अनुसार, रौतहट र बाराका थप ९ जनामा कोभिड १९ संक्रमण पुष्टि भएको छ । यो सँगै मुलुकमा कोभिड १९ संक्रमितहरुको संख्या ३०४ पुगेको छ ।

काठमाडौंको टेकुस्थित राष्ट्रिय जनस्वास्थ्य प्रयोगशालामा गरिएको परीक्षणमा रौतहट, इशनाथ नगरपालिका २, ३, ६ र ९ का २१, २१, २३, २५, २५, २९, ३० वर्षीय पुरुषहरू र रौतहट माधवनारायण नगरपालिका–३ निवासी २८ वर्षीया महिला रहेका छन् । त्यसैगरी बारा, करैयामाई–५ का ३८ वर्षीय पुरुषमा पनि कोरोना संक्रमण देखिएको मन्त्रालयले जानकारी दिएको छ ।

प्रकाशित मिति: सोमबार, जेठ ५, २०७७