काठमाडौं मेडिकल कलेजमा थप एकजना डाक्टरलाई देखियो कोरोना,आकस्मिक लगायत सबै सेवा बन्द

जनस्वास्थ्य सरोकार, काठमाडौँ । काठमाडौंको सिनामंगलस्थित काठमाडौं मेडिकल कलेज (केएमसी) मा कार्यरत थप एक जना चिकित्सकमा कोरोना (कोभिड–१९) संक्रमण पुष्टि भएको छ । मंगलबार अस्पतालका २ जना बिरामी, एक नर्स र एक चिकित्सकमा कोरोना (कोभिड–१९) संक्रमण पुष्टि भएको थियो । त्यसपछि ट्रेसिङ गरिएका थप अर्का चिकित्सको स्वाब परीक्षण गर्दा रिपोर्ट पोजेटिभ देखिएको हो । संक्रमित चिकित्सकको सम्पर्कमा आएका स्वास्थ्यकर्मी र बिरामीको ट्रेसिङ भइरहेको छ । यसरी संक्रमित भेटिएपछि केएमसीको आकस्मिक लगायत सबै सेवा बन्द गरिएको छ । अस्पताल सरसफाई गरी संक्रमणमुक्त बनाउने काम भइरहेको जनाइएको छ । संक्रमण पुष्टि भएको छ । यो सँगै मुलुकमा कोभिड १९ संक्रमितहरुको संख्या २३ सय पुगेको स्वास्थ्य तथा जनसंख्या मन्त्रालयले जनाएको छ । जसमा पुरषहरु २१ सय ३० जना र महिला १७० जना रहेका छन् । हाल १ लाख ५५ हजार ८६८ जना क्वारेन्टाइनमा रहेका छन् । हालसम्म पीसीआर विधिबाट ८० हजार २ सय ६७ र आरडीटी विधिबाट १ लाख २० हजार ३ सय ७९ जनाको नमुना परीक्षण गरिएको छ । पछिल्लो २४ घण्टामा पीसीआर विधिबाट ४ हजार ९ सय २४ र आरडीटी विधिबाट ४ हजार ३४ जनाको नमुना परीक्षण गरिएको मन्त्रालयका प्रवक्ता डा. विकास देवकोटाले बताउनुभयो । ते¥ह्रथुम, ताप्लेजुङ र पाँचथरमा नयाँ संक्रमण देखिएसँगै मुलुकमा संक्रमण देखिएका जिल्लाहरुको संख्या ६४ पुगेको छ । मुलुकमा कोरोना जित्नेहरुको संख्या २७८ पुगेको छ । यसमा २२२ पुरुष ५६ जना महिला रहेको स्वास्थ्य तथा जनसंख्या मन्त्रादयका प्रवक्ता डा. विकास देवकोटाले बताउनुभयो । नेपालमा कोभिड १९ संक्रमण भएका व्यक्तिहरुमध्ये मृत्यु हुनेको संख्या ९ पुगेको छ ।