स्वास्थ्य सेवा विभागको महानिर्देशकमा डा. दीपेन्द्र रमण सिंह, आपूर्ति महाशाखामा डा. खरेललाई ल्याइयो

नेपाल हेल्थ न्युज

बिहीबार, जेठ २२, २०७७

स्वास्थ्य सेवा विभागको महानिर्देशकमा डा. दीपेन्द्र रमण सिंह, आपूर्ति महाशाखामा डा. खरेललाई ल्याइयो

dr dipendra raman singh1

जनस्वास्थ्य सरोकार, काठमाडौँ । स्वास्थ्य तथा जनसंख्या मन्त्रालयले स्वास्थ्य सेवा विभागको महानिर्देशकमा डा. दिपेन्द्र रमण सिंहलाई सरुवा गरेको छ । सिंह मन्त्रालयका १२ औं तहका कर्मचारी हुन् ।

यसअघिका महानिर्देशक महेन्द्रप्रसाद श्रेष्ठलाई कोभिड १९ रोकथाम तथा नियन्त्रण उच्चस्तरीय समन्वय समितिमा सरुवा गरिएको छ । यसैगरी आपूर्ति महाशाखाको निर्देशकमा राष्ट्रिय एड्स तथा यौन रोग केन्द्रका डा. रमेश खरेललाई ल्याइएको छ । यसअघिका आपूर्तिका निर्देशक डा.भोगेन्द्र प्रसाद डोटेललाई मन्त्रालय सरुवा गरिएको छ ।

स्वास्थ्य सामग्री खरीदमा विवादमा मुछिएको मन्त्रालयले मन्त्रीस्तरीय निर्णय गर्दै ३ जनालाई सरुवा गरेको हो । यसअघि मन्त्रालयले स्वास्थ्य सचिव यादव कोइरालालाई सरुवा गरेको थियो ।

प्रकाशित मिति: बिहीबार, जेठ २२, २०७७