कोरोनाविरुद्धकाे भ्याक्सिन अगस्ट १५ तारिखमा लन्च गर्ने भारतको तयारी

जनस्वास्थ्य सरोकार, काठमाडौँ ।  । भारतले कोरोना भाइरसविरुद्धको भ्याक्सिन अगस्ट १५ तारिखमा लन्च गर्ने तयारी गरेको छ । भ्याक्सिन तयार भएको र यसलाई आगामी अगस्ट १५ तारिखका दिन लन्च गरिने तयारी भएको खबर नवभारत टाइम्सले प्रकाशित गरेको छ। भारतले आफ्नो स्वतन्त्रता दिवसको दिनको अवसरमा भ्याक्सिन लन्च गर्न लागेको हो । त्यस दिनदेखि आफूलाई कोरोनामुक्त घोषित गर्ने सम्भावनाको तयारी समेत गरेको पत्रिकाले उल्लेख गरेको छ। यो भ्याक्सिन इन्डियन काउन्सिल अफ मेडिकल रिसर्चले हैदरवादस्थित भारत बायोटेक इन्टरनेसनल लिमिटेड बीबीआईएलसँग मिलेर बनाएको हो। भ्याक्सिनको नाम ‘बीबीभी१५२’ कोभिड भ्याक्सिन राखिएको छ। एजेन्सी