गण्डकी प्रदेशमा थप ३८ जनामा कोरोना संक्रमण

जनस्वास्थ्य सरोकार, पोखरा । गण्डकी प्रदेशमा एकैदिन ३८ संक्रमित फेला परेका छन् । तीमध्ये १४ जना पोखराका पुरुष छन् ।  पोखरामा भएको पीसीआर परीक्षणमा कास्कीमा १४ जनासहित स्याङ्जामा ११, बागलुङमा ६, तनहुँ र लमजुङ ३/३, नवलपरासी (बर्दघाट सुस्ता पूर्व) १ जना गरी ३८ संक्रमित बनेका छन् । तीमध्ये स्याङ्जा गल्याङका २ जना महिला छन् । अरु सबै पुरुष हुन् । प्रदेश स्वास्थ्य निर्देशनालयले बिहीबार विज्ञप्तिमार्फत सो कुराको पुष्टि गरेको हो । कास्कीको पोखरा महानगरपालिकामा १४ जना पुरुषमा संक्रमण देखिएको हो ।  क्षयरोग उपचार केन्द्रमा भएको परीक्षणमा पोखराका वर्ष २२ र ३१ पुरुषमा कोरोना देखिएको छ । यस्तै, पोखरा स्वास्थ्य विज्ञान प्रतिष्ठानमा भएको परीक्षणमा अन्य १२ जनामा कोभिड–१९ देखिएको हो । उनीहरुको उमेर समूह वर्ष १५ देखि ४० सम्म छ । जसमा वर्ष १५, १९, २१, २३, २४, २७ छन् । यस्तै वर्ष ३०, ३२ र ४२ का २–२ जना छन् । स्याङ्जाको बिरुवा गाउँपालिकाका ३४ वर्षीय पुरुष, पुतलीबजारका ४१ वर्षीय पुरुष, भीरकोट नगरपालिकाका ४९ वर्षीय पुरुष संक्रमित बनेका छन् । यस्तै गल्याङ नगरपालिकाका ६ पुरुष र २  महिलामा संक्रमण देखा परेको छ । गल्याङका वर्ष २४, ३५, ४०, ४१, ४८ र ४९ जना पुरुष र वर्ष ४० र ५० की महिला संक्रमित बनेका हुन् ।