उपत्यकामा २०० सय गरी देशभर थप ७०७ जनामा काेराेना पुष्टि

जनस्वास्थ्य सरोकार, काठमाडौं । पछिल्लो २४ घण्टामा देशभर थप ७०७ जनामा कोरोना भाइरस (कोभिड १९) संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै कोरोना संक्रमितको संख्या २९ हजार ६४५ पुगेको छ । त्यस्तै पछिल्लो २४ घण्टामा थप २६४ जना संक्रमित डिस्चार्ज भएका छन् । आजको थप अपडेटसँगै संक्रमणमुक्त भइ फर्किनेको संख्या १७ हजार ९६४ पुगेको छ । आज क्वारेन्टिनमा ११ हजार ७६८ जना रहेका छन् । ११ हजार ५५५ सक्रिय संक्रमितको विभिन्न अस्पतालको आइसोलेसनमा उपचार भइरहेको छ । पछिल्लो २४ घण्टामा ११ हजार ८३२ जनाको पीसीआर परीक्षण भएको छ । संक्रमितमध्ये उपत्यकामा मात्रै २ सय जना रहेका छन् । काठमाडौंका १७४, भक्तपुरका ८ र ललितपुरका १८ जनामा कोरोना संक्रमण पुष्टि भएको हो । मन्त्रालयका प्रवत्ता प्रा. डा. जागेश्वर गौतमका अनुसार वितेको २४ घण्टामा कोरोनासंक्रमणबाट थप ६ जनाको मृत्यु भएको छ । यो संगै मृत्युहुनेको संख्या १२६ पुगेका छ ।