मुलुकमा कोभिडले ज्यान लिने क्रम तीब्र, एकैदिन ११ जनाको गयो ज्यान, मृतकको संख्या १७५ पुग्यो

नेपाल हेल्थ न्युज

बुधबार, भदौ १०, २०७७

मुलुकमा कोभिडले ज्यान लिने क्रम तीब्र, एकैदिन ११ जनाको गयो ज्यान, मृतकको संख्या १७५ पुग्यो

corona death in nepal

जनस्वास्थ्य सरोकार,काठमाडौँ । कोरोना संक्रमणबाट थप ११ जनाको मृत्यु भएको छ । पछिल्लो २४ घन्टामा ११ जनाको मृत्यु भएको स्वास्थ्य तथा जनसंख्या मन्त्रालयले बुधबार औपचारिक रुपमा पुष्टि गरेको हो । मृतकमा २ जना महिला र ९ पुरुष रहेका छन् ।

मृत्यु हुनेहरुमा मोरङकी ४६ वर्षीया महिला, भक्तपुरकी ५३ वर्षीया महिला, कैलालीका ४५ वर्षीय र ५० वर्षीय २ पुरुष, महोत्तरीका ६०, ७२ र ७५ वर्षीय तीन पुरुष, बाँकेका ३७ वर्षीय पुरुष, काठमाडौँका ५१ वर्षीय पुरुष, बाराका ४१ र ४६ वर्षीय २ पुरुष, रहेका छन् ।

यो सँगै नेपालमा कोरोना संक्रमणबाट मृत्यु हुनेहरुको संख्या १७५ पुगेको छ ।