देशभर थप ४८८ जनामा कोरोना पुष्टि

जनस्वास्थ्य सरोकार, काठमाडौँ । नेपालमा कोरोनाभाइरसका ४८८ जना सङ्क्रमित थपिएका छन् ।

हालसम्म देशभर कोरोना संक्रमित हुनेको संख्या दुईलाख ६५ हजार २६८ पुगेको स्वास्थ्य तथा जनसंख्या मन्त्रालयले जनाएको छ ।

हाल चार हजार ३७३ जनामा भाइरसको सङ्क्रमण सक्रिय रहेको छ ।

पछिल्लो चौबीस घण्टामा ५२७ जना कोभिड सङ्क्रमित निको भएर घर फर्केका छन् ।

हालसम्म दुई लाख ५८ हजार ९६८ जना सङ्क्रमित निको भएका छन् ।

मन्त्रालयले हालसम्म १९ लाख ८७ हजार ५५५ जनाको आरटीपीसीआर परीक्षण गरिएको उल्लेख गरेको छ ।

पछिल्लो चौबीस घण्टामा दश जना सङ्क्रमितको मृत्यु भएको छ ।

उक्त संख्यासँगै नेपालमा कोभिड १९ बाट मृत्यु हुने एक हजार ९२७ पुगेको छ ।

हाल २३७ जना क्वारेन्टिनमा र चार हजार ३७३ जना आइसोलेशनमा रहेको मन्त्रालयले जनाएको छ ।