कोभिड-१९ विरुद्धको खोप अभियान: बागमती प्रदेशमा ४१ हजार २१ जनाले लगाए खोप

जनस्वास्थ्य सरोकार, काठमाडौँ । नेपालमा कोभिड-१९ विरुद्धको खोप अभियानको छैटौँ दिन देशभरका खोप केन्द्रहरुबाट आज (मंगलबार) पनि खोप लगाउने क्रम जारी छ । हालसम्म बागमती प्रदेशमा ४१ हजार २१ जनाले कोभिड १९ विरुद्धको खोप लगाएको सामाजिक विकास मन्त्रालयले जनाएको छ ।

मन्त्रालयका अनुसार गएको सोमबारसम्म ३८ वटा खोप केन्द्रबाट काठमाडौँमा २१ हजार १९२, ललितपुरमा ५ हजार ३९१, भक्तपुरमा १ हजार ९२९, रसुवामा २१९, नुवाकोटमा १ हजार ४५५,धादिङमा ८१७, चितवनमा २ हजार ८९४, सिन्धुलमा ७६०, मकवानपुरमा १ हजार ४, रामेछापमा ५६६, दोलखामा ९७६, काभ्रेमलाञ्चोकमा २ हजार ८४० र सिन्धुपाल्चोकमा ९७८ जनाले कोरोना विरुद्धको खोप लगाएका छन् ।

हालसम्म देशभरका १९१ खोप केन्द्रबाट कुल १ लाख १३ हजार १ सय ७५ जनाले खोप लगाएका छन् ।