डाक्टरको लाइसेन्स परिक्षामा उत्तिर्णदर न्यून

जनस्वास्थ्य सरोकार, काठमाडौं । नेपाल मेडिकल काउन्सिलको दर्ता प्रमाणपत्र (लाइसेन्स) परिक्षामा उत्तिर्ण हुनेको संख्या कम रहेको छ । जसअन्तर्गत् ५५ दशमलब ६ प्रतिशत एमबिबिएस र ४४ दशमलब ८ प्रतिशत बिडिएसका विद्यार्थी उत्तीर्ण भएका छन् ।
एमबिबिएका एक हजार एक सय ६४ जना र बिडिएसका दुइ सय १० जना विद्यार्थीले परीक्षा दिएका थिए । ती मध्ये एमबिबिएसमा ६ सय ५४ र बिडिएसमा ९४ जना विद्यार्थी उत्तीर्ण भएका छन् ।
हाल मेडिकल काउन्सिलमा एमबिबिएमा २४ हजार आठ सय १४ र बिडिएसमा तीन हजार ६ सय ६३ गरी २८ हजार चार सय ७७ जना चिकित्सक दर्ता भएका छन् ।