पाटन स्वास्थ्य विज्ञान प्रतिष्ठानमा डाक्टर, नर्ससहित ३९ जना स्वास्थ्यकर्मी माग

जनस्वास्थ्य सरोकार, काठमाडौं । पाटन स्वास्थ्य विज्ञान प्रतिष्ठानले ३९ जना स्वास्थ्यकर्मीका लागि विज्ञापन खुलाएको छ । प्रतिष्ठानले चिकित्सा शिक्षा र सेवा तर्फ जनशक्ति पदपूर्ति गर्न दरखास्त आव्हान गरेका हो ।

प्रतिष्ठानको सेवा आयोगले सूचना प्रकाशन गरी सहप्राध्यापक, सहायक प्राध्यापक, प्राज्ञिक नर्सिङ, स्टाफ नर्स लगायत पदमा विज्ञापन खुलाएको हो ।

प्रतिष्ठान सेवा आयोगले प्राज्ञिकतर्फ ३४ जना, प्राविधिक नर्सिङतर्फ ३ जना, प्राविधिकतर्फ १ र सामान्य प्रशासनतर्फ १ जनाका लागि विज्ञापन गरेको छ । अधिकृत पदको लागि २१ वर्ष, सहायक पदको लागि १८, प्राज्ञिक सेवा तफ सहायक प्राध्यापक पदका लागि ४२ वर्ष, सह(प्राध्यापक पदको लागि ४५ वर्ष, प्राविधिक सेवातर्फ ४० वर्ष र प्रशासन सेवा तर्फ ३५ वर्ष उमेर तोकिएको छ ।