उपप्रधानमन्त्री श्रेष्ठलाई ‘माइल्ड हार्ट अट्याक’, स्वास्थ्य अवस्था सामान्य

जनस्वास्थ्य सरोकार, काठमाडौँ । चीनमा रहनुभएका उपप्रधान तथा गृहमन्त्री नारायणकाजी श्रेष्ठ बिरामी पर्नुभएको छ ।

छातीमा समस्या देखिएपछि गए राति उहाँलाई अस्पताल भर्ना गरिएको प्रेस सल्लाहकार कमल गिरीले जानकारी दिनुभयो । हाल उहाँको स्वास्थ्य अवस्था सामान्य रहेको पनि प्रेस सल्लाहकार गिरिले बताउनुभयो ।

उपप्रधानमन्त्री एवं गृहमन्त्री श्रेष्ठलाई ‘माइल्ड हार्ट अट्याक’ भएको सचिवालयले जनाएको छ । स्वास्थ्यमा समस्या देखिएपछि श्रेष्ठ बेइजिङस्थित पेकिङ युनियन मेडिकल कलेजमा भर्ना हुनुभएको छ ।

चीनको वेइजिङमा बिआरआई शिखर सम्मेलनमा नेपालको तर्फबाट सहभागी हुन उहाँ चीन जानुभएको हो ।