जडीबुटी कम्पनीको विकासका लागि सरकारद्वारा २० करोड बजेट विनियोजन गर्‍यो

नेपाल हेल्थ न्युज, काठमाडौं । जडीबुटी क्षेत्रमा देखिएको क्षति र सम्भावनालाई दृष्टिमा राख्दै सरकारले आगामी आर्थिक वर्ष २०८१र८२ का लागि २० करोड रुपैयाँ विनियोजन गरेको छ।

बिहीबार बजेट प्रस्तुत गर्दै अर्थमन्त्री विष्णु पौडेलले जडीबुटी उत्पादन तथा प्रवर्द्धन कम्पनीको सुधार, विकास र दिगो सञ्चालनका लागि २० करोड रुपैयाँ विनियोजन गरिएको जानकारी दिनुभयो।

यसअघि, चैत १५ गते राजसंस्थाको समर्थनमा भएको विरोध प्रदर्शन हिंसात्मक बन्दा सो कम्पनीको कार्यालयमा तोडफोड र आगजनी भएको थियो।

उक्त घटनाले कम्पनीलाई करिब २८ करोड रुपैयाँ बराबरको आर्थिक क्षति पुर्‍याएको छ। सरकारले यस क्षतिलाई न्यूनीकरण गर्दै कम्पनीलाई पुनः स्थायीत्वमा ल्याउने योजना अघि सारेको छ।