नेपाल मेडिकल काउन्सिलको लाइसेन्स परीक्षामा ७८ प्रतिशत उत्तीर्ण

नेपाल हेल्थ न्युज, काठमाडौं । नेपाल मेडिकल काउन्सिलले हालै सम्पन्न नाम दर्ता (लाइसेन्स) परीक्षाको नतिजा सार्वजनिक गरेको छ, जसअनुसार कुल उत्तीर्ण दर ७७.९९ % प्रतिशत रहेको छ।

१२ देखि १५ जेठसम्म सञ्चालन भएको यस परीक्षामा २ हजार ९० परीक्षार्थी दर्ता भए पनि २, हजार ७७ जनाले मात्र परीक्षा दिएका थिए। बाँकी १३ जना अनुपस्थित रहेका थिए।

परीक्षा दुई विधामा मेडिकल र डेन्टल सञ्चालित भएको थियो।
मेडिकलतर्फ १ हजार ६११ परीक्षार्थीमध्ये १ हजार ६०० ले परीक्षा दिए र तिनीहरूमध्ये १ हजार २२६ जना (७६.६२%) सफल भएका छन्।
डेन्टलतर्फ भने ४७९ जना दर्ता भएकामा ४७७ जनाले परीक्षा दिए र ३९४ जना (८२.६०%) ले सफलता प्राप्त गरेका छन्।

नेपाल मेडिकल काउन्सिलले प्रत्येक वर्ष चिकित्सक तथा दन्त चिकित्सकलाई व्यावसायिक इजाजत प्रदान गर्नका लागि यस्तो नाम दर्ता परीक्षा सञ्चालन गर्दै आएको छ।