मस्तिष्कघातका कारण अस्पताल भर्ना भएका आलमको स्वास्थ्य अवस्था कस्तो छ?

नेपाल हेल्थ न्युज, काठमाडौं । नेपाली कांग्रेसका वरिष्ठ नेता तथा पूर्वमन्त्री मोहम्मद आफताब आलमको स्वास्थ्य अवस्था सुधार हुँदै गएको छ। हाल उहाँ अन्नपूर्ण न्यूरो अस्पतालमा उपचाररत हुनुहन्छ।

अस्पतालले एक विज्ञप्ति जारी गर्दै आलमको स्वास्थ्यमा क्रमिक सुधार भइरहेको जानकारी दिएको हो। जेठ १६ गते बोलाइ अस्पष्ट र शारीरिक असन्तुलन देखिएपछि उहाँलाई आकस्मिक कक्षमा भर्ना गरिएको थियो। जाँचपछि मस्तिष्कघात (स्ट्रोक) पुष्टि भएसँगै तुरुन्त औषधीय उपचार सुरु गरिएको थियो।

हाल उहाँलाई सघन उपचार कक्ष (आईसीयू) मा राखिएका छन् र स्नायु रोग विशेषज्ञहरूको निगरानीमा उपचार भइरहेको अस्पताल प्रशासनले जनाएको छ। स्वास्थ्यमा उल्लेख्य सुधार देखिए पनि थप केही दिन चिकित्सकीय निगरानी आवश्यक रहने बताइएको छ।