शिक्षण अस्पतालमा १०० नर्सको लागि करार सेवामा रोजगारीको अवसर

काठमाडौं, जेठ २३ – त्रिभुवन विश्वविद्यालयको शिक्षण अस्पताल, महाराजगञ्जले करार सेवामा सय जना नर्स नियुक्ति गर्ने तयारी गरेको छ। यसका लागि अस्पतालले आज सार्वजनिक सूचना जारी गर्दै योग्य उम्मेदवारहरूबाट आवेदन आह्वान गरेको छ।

नर्सिङ अध्ययन पुरा गरेका, अर्थात् प्रमाणपत्र तह वा बीएससी नर्सिङ उत्तीर्ण गरेका योग्य उम्मेदवारहरूले आवेदन दिन सक्नेछन्। आवेदन दर्ता जेठ २५ गतेदेखि असार १ गतेसम्म शिक्षण अस्पतालमा खुला रहनेछ।

पुरुष उम्मेदवारका लागि अधिकतम उमेर ४० वर्ष र महिलाका लागि ४५ वर्षसम्म तोकिएको छ। थप विवरणको लागि अस्पतालको वेबसाइट वा सम्बन्धित कार्यालयमा सम्पर्क गर्न सकिनेछ।