ढकाल र श्रेष्ठ स्वास्थ्य मन्त्रालयमा अतिरिक्त सचिवमा नियुक्त

नेपाल हेल्थ न्युज, काठमाडौं । स्वास्थ्य तथा जनसंख्या मन्त्रालयमा रिक्त रहेको १२औं तहको अतिरिक्त सचिवको पदमा दुई जना अधिकृतको बढुवा गरिएको छ। सोमबार बसेको मन्त्रिपरिषद्को बैठकले डा. केशर ढकाल र डा. श्रीकृष्ण श्रेष्ठलाई उक्त पदमा पदोन्नति गर्ने निर्णय गरेको हो।

बढुवा सिफारिस समितिले तीन जनाको नाम अगाडि सारेकोमा ढकाल र श्रेष्ठलाई छनोट गरिएको हो। तेस्रो स्थानमा रहेकी डा. सुधा देवकोटा पनि अतिरिक्त सचिव पदका लागि सिफारिसमा परेकी थिइन्, तर यसपटक उनी बढुवामा परिनन्।

मन्त्रिपरिषद् स्रोतका अनुसार, उक्त निर्णय सिफारिसको आधारमा गरिएको हो र मन्त्रालयभित्र रिक्त पद पूर्तिका लागि आवश्यक प्रक्रिया अन्तर्गत बढुवा गरिएको हो।