टिचिङ अस्पतालमा क्लिनिकल रजिस्टारका लागि करार सेवामा ९ पद खुला

नेपाल हेल्थ न्युज, काठमाडौं । त्रिभुवन विश्वविद्यालय अन्तर्गत रहेको शिक्षण अस्पताल, महाराजगञ्जले करार  सेवामा नियुक्त गर्नका लागि क्लिनिकल रजिस्टार पदमा ९ जनाको माग गरेको छ।

अस्पतालले आज सार्वजनिक गरेको सूचना अनुसार विभिन्न विभागमा रिक्त अस्थायी दरबन्दीमा आवश्यक जनशक्ति भर्ना गरिनेछ। यसका लागि तलब र सुविधा आन्तरिक स्रोतबाट उपलब्ध गराइने उल्लेख गरिएको छ।

इच्छुक उम्मेदवारहरूले न्यूनतम २१ वर्ष उमेर पूरा गरेको र अधिकतम ४५ वर्ष ननाघेको हुनुपर्नेछ। आवेदन दिने अन्तिम म्याद २०८२ असार २ गतेसम्म तोकिएको छ।