स्वास्थ्यको नाउँमा ३ अर्ब ५१ करोड छुट्याइयो

नेपाल हेल्थ न्युज काठमाडौं । कोशी प्रदेश सरकारले आगामी आर्थिक वर्ष २०८२र०८३ का लागि स्वास्थ्य क्षेत्रलाई उच्च प्राथमिकता दिँदै तीन अर्ब ५१ करोड रुपैयाँ बजेट विनियोजन गरेको छ।

प्रदेशसभामा बजेट प्रस्तुत गर्दै आर्थिक मामिला तथा योजना मन्त्री राम रानाले स्वास्थ्य पूर्वाधार, सेवा विस्तार र जनस्वास्थ्य सुधारका उद्देश्यसहित यो बजेट प्रस्ताव गरिएको जानकारी दिनुभयो।

त्यसैगरी, प्रदेशमा युवा र विद्यार्थीलाई लक्षित गर्दै ‘पढ्दै कमाउँदै’ कार्यक्रम लागू गरिने समेत मन्त्री रानाले घोषणा गर्नुभएको छ। यस कार्यक्रमअन्तर्गत विद्यार्थीहरूले अध्ययनसँगै रोजगारीको अवसर पाउनेछन्, जसले उनीहरूको आत्मनिर्भरता बढाउने अपेक्षा गरिएको छ।