१४ सरकारी अस्पतालमा क्यान्सर उपचारमा आर्थिक सहुलियत

नेपाल हेल्थ न्युज, काठमाडौं । सरकारले देशका दुई प्रदेशमा रहेका १४ अस्पतालहरूबाट क्यान्सर रोगको उपचारमा विशेष सहुलियत दिने निर्णय गरेको छ। स्वास्थ्य तथा जनसङ्ख्या मन्त्रालयले जानकारी दिए अनुसार बागमती र कोशी प्रदेशमा रहेका अस्पतालहरूमा शल्यक्रिया, केमोथेरापी, रेडियोथेरापी, औषधी, शय्या सेवा र प्रयोगशालासहितका सम्पूर्ण उपचारहरूमा एक लाख रुपैयाँसम्मको सुविधा उपलब्ध गराइनेछ।

यो सुविधा मुख्यतया आर्थिक रूपमा कमजोर वर्गका बिरामीहरूका लागि हो। लाभ लिनका लागि बिरामीले आफ्नो स्थायी ठेगानाको वडा कार्यालय र स्थानीय पालिकाबाट सिफारिस पत्र लिएर सम्बन्धित अस्पतालमा सम्पर्क गर्नु पर्नेछ।

सहभागी अस्पतालहरूको सूची
बागमती प्रदेशमा रहेका अस्पतालहरू

• वीर अस्पताल
• त्रिवि शिक्षण अस्पताल
• पाटन अस्पताल
• कान्ति बाल अस्पताल
• परोपकार प्रसूति तथा स्त्रीरोग अस्पताल
• निजामती कर्मचारी अस्पताल (मिनभवन)
• बीपी कोइराला मेमोरियल क्यान्सर अस्पताल, चितवन
• चितवन मेडिकल कलेज
• भक्तपुर क्यान्सर अस्पताल
• क्यान्सर केयर नेपाल, जाउलाखेल
• काठमाडौँ क्यान्सर सेन्टर, ताथली, भक्तपुर
• नेपाल क्यान्सर हस्पिटल एन्ड रिसर्च सेन्टर
• धुलिखेल अस्पताल, काभ्रे

कोशी प्रदेश

• बीपी कोइराला स्वास्थ्य विज्ञान प्रतिष्ठान, धरान

सरकारको यो पहलले उपचार खर्चका कारण समयमै सेवा नपाएका धेरै बिरामीहरूलाई राहत मिल्ने अपेक्षा गरिएको छ।