डाेटी अस्पतालकाे शाैचालयमा स्वास्थ्यकर्मी मृत फेला

नेपाल हेल्थ न्युज, धनगढी । जिल्ला अस्पताल डोटीको शौचालयमा स्वास्थ्यकर्मी मृत अवस्थामा भेटिनुभएको छ ।

अस्पतालमै कार्यरत बोगटान फुड्सिल गाउँपालिका-६ बस्ने ३४ वर्षीय अहेबप्रेम बोगटी बुधबार बिहान ११ बजेतिर मृत भेटिएको प्रहरीले जनाएको छ ।

जिल्ला प्रहरी कार्यालयका प्रमुख प्रहरी उपरीक्षक(एसपी) सागर बोहराले बोगटी शौचालयमा मृत फेला परेको जानकारी दिनुभयो ।

उहाँकाअनुसार शौचालय गएका बोगटी लामो समयसम्म नफर्किएपछि खोजी गरिएको थियो । सो क्रममा उहाँ शौचालयमा मृत भेटिनुभएको हो ।

जिल्ला अस्पतालले भने उहाँ शौचालयमा अचेत भेटिएको जनाउँदै उपचारका क्रममा मृत्यु भएको जनाएको छ । घटनाबारे थप अनुसन्धान भइरहेको छ ।